გიორგი ცინცაძე (1935-1999) – საქართველოს დამსახურებული ინჟინერი. დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს. საქმიანობა დაიწყო თბილისის საქალაქო საჭოს აღმასკომის სამშენებლო-სამონტაჟო ტრესტ “ინჟმშენში” სამუშაოთა მწარმოებლად; განვლო ყველა სამსახურებრივი საფეხური კონცერნ “საქგვირაბმშენის” ვიცე-პრეზიდენტამდე; მონაწილეობდა თბილისის რთული ტექნიკურ-საინჟინრო ნაგებობების, სუფსის ნავთობტერმინალის, “თარგიმ-ალკენის” საავტომობილო გზის (ინგუშეთი) მშენებლობასა და ქ. ფოთის პორტის სარეკონსტრუქციო სამუშაოების შესრულებაში; იყო მრავალი ჯილდოს მფლობელი. დაკრძალულია თბილისში, საბურთალოს სასაფლაოზე.
