ლეო ფილფანი (დ. 6 ივნისი, 1934, ლენჯერი, მესტიის მუნიციპალიტეტი— გ. 5 აგვისტო, 1995) – მსახიობი. საქართველოს სახალხო არტისტი (1980). 1958 წელს დაამთავრა რუსთაველის სახელობის თეატრალური ინსტიტუტის სამსახიობო ფაკულტეტი. 1958–1973 წლებში სოხუმის დრამატული თეატრის, 1973 წლიდან კი — რუსთავის დრამატული თეატრის მსახიობი. 1955 წლიდან კინოში იღებენ. 1963 წელს მიენიჭა აფხაზეთის ასსრ დამსახურებული არტისტის წოდება. დაკრძალულია თბილისში, საბურთალოს ზედა პანთეონთან, წმ. გიორგის ეკლესიის მარცხენა მხარეს.
