პოლიკარპე ზერაგია (1912-1986) – ფიზიკა-მათემატიკის მეცნიერებათა დოქტორი, პროფესორი. დაამთავრა თბილისის სახელმწიფო უნივერსიტეტი 1934 წელს. 1956-1962 წლებში იყო ამავე უნივერსიტეტის მექანიკა-მათემატიკის ფაკულტეტის დეკანი, 1960-1986 წლებში ზოგადი მათემატიკის კათედრის გამგე. იკვლევდა პოლიჰარმონიული, არაწრფივი ჰიპერბოლური და პარაბოლური, აგრეთვე არაწრფივი ინტეგრალური განტოლებების ამოხსნის საკითხებს. მიღებული აქვს სახელმწიფო ჯილდოები. დაკრძალულია თბილისში, საბურთალოს სასაფლაოზე.
