არტემ გაბუნია (1896-1940) –
საზოგადო მოღვაწე, ხალხური ხელოვნების ქომაგი.
დაამთავრა ხონის საქალაქო სკოლა, ქუთაისის გიმნაზია და თბილისის სახელმწიფო უნივერსიტეტის იურიდიული ფაკულტეტი. მუშაობდა საქართველოს ცენტრალურ კომიტეტში სხვადასხვა თანამდებობაზე, 1935 წელს აქტიურად მონაწილეობდა ბორჯომის მუზეუმის მოწყობაში. იგი მრავალი წლის მანძილზე ეცნობოდა და აგროვებდა ხალხური ხელოვნების საუკეთესო ნიმუშებს.
დაკრძალულია ვაკის სასაფლაოს პანთეონში.
