ლეონტი ელიაშვილი (17. VI. 1893, სოფ. გელათი, ტყიბულის მუნიციპალიტეტი, – 20. VIII. 1958, თბილისი) – მეან-გინეკოლოგი და ჯანდაცვის ორგანიზატორი. მედიცინის მეცნიერებათა დოქტორი, პროფესორი, მეცნ. დამს. მოღვაწე. 1920 დაამთავრა პეტროგრადის სამხ.-სამედ. აკადემია. 1943–58 განაგებდა თბილ. ექიმთა დახელოვნების სახელმწ. ინ-ტის მეანობა-გინეკოლოგიის კათედრას. მისი თაოსნობით გაიხსნა პირველი საკოლმეურნეო სამშობიარო სახლები საქართველოში, 2 სამშობიარო სახლი თბილისში (1937), შეიქმნა ქალთა კონსულტაციები. დაკრძალულია თბილისში, ვაკის სასაფლაოზე.
