გედეონ მჟავანაძე (1895-1963) – პროფესორი, საქართველოს ჯანმრთელობის დაცვის სამინისტროს ტრავმატოლოგიისა და ორთოპედიის სამეცნიერო-კვლევითი ინსტიტუტის განყოფილების გამგე. დაიბადა სოფელ როხში (მაიაკოვსკის რაიონი). 1924 წელს დაამთავრა თბილისის უნივერსიტეტის სამედიცინო ფაკულტეტი. მედიცინის მეცნიერებათა დოქტორი, სადისერტაციო შრომა – “ნერვული ტროფილის დარღვევა მოტეხილი ძვლების შეუხორცებლობის და ფსევდოართროზების ეტიოლოგიაში” . დაკრძალულია თბილისში, ვაკის სასაფლაოზე. მასთან ერთად დაკრძალულია ლიუბა ფრიდმან-მჟავანაძე (1902-1986) – პროფესორი.
