კარგ ქართველთა საფლავები

ჟურნალისტი, კინოდრამატურგი. საქართველოს ხელოვნების დამსახურებული მოღვაწე (1980)

1951 წელს დაამთავრა თსუ ისტორიის ფაკულტეტი და მოსკოვის პედაგოგიური ინსტიტუტის ასპირანტურა (1954). მუშაობდა გაზეთ “ზარია ვოსტოკას” მოსკოვის კორესპონდენტად (1954-1962), საქართველოს კინემატოგრაფიის სახელმწიფო კომიტეტის მთავარ რედაქტორად (1962-1964), საქართველოს კინემატოგრაფისტთა კავშირის ორგანიზაციის მდივნად (1964-1971), კონცერნ “ქართული ფილმის” სასცენარო-სარედაქციო კოლეგიის წევრად (1971-იდან). ლიტერატურული მოღვაწეობა დაიწყო 1954-იდან. მისი მონაწილეობით შეიქმნა სცენარები ქართული მხატვრული ფილმებისათვის, როგორც მსახიობი გადაღებულია ფილმებში: “არ დაიდარდო”, “რამდენიმე ინტერვიუ პირად საკითხებზე”, “პეტროვკა 38”, “თბილისი და თბილისელები” და სხვა.

დაკრძალულია დიდუბის პანთეონში.