გივი კიღურაძე (1922 – 1978 წ.წ.) –
ისტორიკოსი, ისტორიის მეცნიერებათა დოქტორი, ახალი და უახლესი ისტორიის სპეციალისტი.
დაამთავრა თბილისის სახელმწიფო უნივერსიტეტის ისტორიის ფაკულტეტი 1943 წელს. 1969 წლიდან თბილისის სახელმწიფო უნივერსიტეტის ახალი და უახლესი ისტორიის კათედრის გამგე. მისი მეცნიერული შრომები ეხება ინგლისის და საფრანგეთის ბურჟუაზიული რევოლუციების, ასევე ახალი და უახლესი ისტორიის საკითხთა ფართო წრეს. აქტიურად თანამშრომლობდა ქართული ენციკლოპედიის რედაქციასთან. არის მრავალი საენციკლოპედიო სტატიის ავტორი.
დაკრძალულია თბილისში, საბურთალოს პანთეონში.
