გოგი ანდრონიკაშვილი (1933-1997) – ინჟინერი. დაამთავრა საქართველოს პოლიტექნიკური ინსტიტუტი 1959 წელს. 1957–1971 და 1976–1987 წლებში იყო კომკავშირულ და პარტიულ სამუშაოზე. იყო საქართველოს კომკავშირის თბილისის საქალაქო კომიტეტის პირველი მდივანი, ცენტრალური კომიტეტის მეორე მდივანი, საქართველოს კპ თბილისის კომიტეტის მდივანი, ცენტრალური კომიტეტის განყოფილების გამგე და მდივანი. 1971–1976 წლებში და 1987 წლიდან იყო სახელმწიფო საპროექტო ინსტიტუტის დირექტორი. დაკრძალულია თბილისში, საბურთლოს პანთეონში.
