ივანე ასკურავა (დ. 9 იანვარი 1918, სოფ. ქვირი, ახლანდელი ლანჩხუთის მუნიციპალიტეტი — გ. 2002) – თეატრის მხატვარი. საქართველოს ხელოვნების დამსახურებული მოღვაწე. დაამთავრა თბილისის სამხატვრო აკადემია 1939 წელს. 1940 წლიდან იყო თბილისის ოპერისა და ბალეტის აკადემიური თეატრის მხატვარი. მხატვრულად გააფორმა ოპერები: ჯ. ვერდის “ოტელო” (1949), “ლატავრა” (1950), “დაისი” (1957), “აბესალომ და ეთერი” (1964), “ქეთო და კოტე” (1950), ა. რუბინშტეინის “დემონი” (1950), პ. ჩაიკოვსკის “იოლანტა” (1951), “დარეჯან ცბიერი” (1954), ა. ბოროდინის “თავადი იგორი”(1956), “ჩრდილოეთის პატარძალი” (1957), “და სხვ. მიღებული აქვს დრამატული თეატრების საკავშირო კონკურსის პრიზი. დაკრძალულია თბილისში, საბურთალოს პანთეონში.
