კარგ ქართველთა საფლავები

შორეული ნაოსნობის კაპიტანი.

საშუალო სკოლის დამთავრებისთანავე, სწავლა ბათუმის საზღვაოსნო სასწავლებელში განაგრძო. სასწავლებლის გემთწამყვანობის ფაკულტეტის დასრულების შემდეგ კი ზღვაში საქმიანობა შორეული ანტარქტიდის ვეშაპმჭერ ფლოტილიაში დაიწყო.

თავდაპირველად კაპიტნის თანაშემწედ ცურავდა სახელოვან გემებზე – «Слава» და «Советская Украина»… დაუსწრებლად სწავლობდა და დაამთავრა ოდესის უმაღლესი საზღვაო-საინჟინრო სასწავლებელი(ОВИМУ) და მოგვიანებით თავად გახდა ვეშაპმჭერი გემის – „Грозный»-ს კაპიტანი…

ჯუმბერ ინწკირველი 1967 წელს საქართველოში დაარსებული საზღვაო სანაოსნოს სათავეებთან იდგა.. იგი გახლდათ ახლადდაარსებული სანაოსნოს ერთ-ერთი ახალი გემის, ტანკერ „Аспиндза»-ს შტატიანი კაპიტანი… სწორედ ამ გემზე, რეისში ყოფნისას გარდაიცვალა იგი იტალიის ერთ-ერთ ნავსადგურში, გარდაიცვალა უდროოდ, 47 წლის ასაკში, 1973 წლის 3 ნოემბერს… დაკრძალულია ბათუმში, ფერიის სასაფლაოზე.

ტექსტი და სურათი აღებულია ბატონ პაატა ტაბაღუას გვერდიდან “საქართველო საზღვაო ქვეყანაა”, საფლავის ფოტო გადაღებულია ჩვენს მიერ.