მიხეილ ჩხიკვაძე (1903-1987) – საქართველოს დამსახურებული არქიტექტორი. დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1929 წელს. 1933 წლიდან ეწეოდა პედაგოგიურ მოღვაწეობას; ნამუშევრები: რადიოსადგურის შენობა ბაქოში (1926), დრამატული თეატრის შენობები გორში (1938, შ. თავაძესთან ერთად), ჭიათურაში (1949, არქიტექტორ კ. ჩხეიძესთან ერთად), სოხუმში (1952), ადმინისტრაციული სახლი – საქნახშირის სახლი (ახლანდელი საქართველოს მეცნიერებათა აკადემია და კინოს სახლი, არქიტექტორ კ. ჩხეიძესთან ერთად, 1953); მიღებული აქვს სახელმწიფო ჯილდოები. დაკრძალულია თბილისში, კუკიის სასაფლაოზე.
