ნიკოლოზ ვახანია (დ. 28 აგვისტო, 1930, ქუთაისი — გ. 23 ივლისი, 2014, თბილისი, საქართველო)
მათემატიკოსი და ალბათისტი. ფიზიკა-მათემატიკის მეცნიერებათა დოქტორი (1970), პროფესორი (1971), საქართველოს მეცნიერებათა ეროვნული აკადემიის წევრ-კორესპონდენტი (1988), აკადემიკოსი (2001).
ძირითადი შრომები ეხება ალბათობის თეორიისა და ფუნქციური ანალიზის, აგრეთვე გამოთვლითი მათემატიკის დიფერენციალურ განტოლებათა თეორიის პრობლემებს. გამოქვეყნებული აქვს ორი მონოგრაფია.
დაკრძალულია თბილისში, საბურთალოს სასაფლაოზე.
