კარგ ქართველთა საფლავები

მომღერალი (დრამატული ტენორი), საქართველოს სახალხო არტისტი (1965), ფილოლოგიის მეცნიერებათა კანდიდატი (1954).

1950 წელს დაამთავრა თსუ ფილოლოგიის ფაკულტეტი, 1963 წელს – თბილისის ვ. სარაჯიშვილის სახელობის სახელმწიფო კონსერვატორია. 1956 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტია. პარალელურად (1953-1959) – თსუ კავკასიური ენების კათედრის პედაგოგია. იკვლევდა იბერიულ-კავკასიური ენების შედარებითი გრამატიკის საკითხებს (ა. ჩიქობავას ხელმძღვანელობით). 1961-1962 წლებში სტაჟიორად მიავლინეს მილანის საოპერო თეატრ “ლა სკალაში” (პედაგოგი ჯ. ბარა). ანდღულაძე 1968 წლიდან თბილისის სახელმწიფო კონსერვატორიის პედაგოგია, 1981 წლიდან – პროფესორი, 1974 წლიდან – სოლო სიმღერის კათედრის გამგე. ანდღულაძე ავტორია მეცნიერული გამოკვლევებისა ვოკალური ხელოვნების თეორიის, ისტორიისა და მეთოდიკის დარგში. ახალგაზრდობისა და სტუდენტთა VI საერთაშორისო ფესტივალის ლაურეატი (მოსკოვი, 1958). ზ. ფალიაშვილის სახელობის პრემია (1977). მიღებული აქვს სახელმწიფო ჯილდოები. გარდაიცვალა 2013 წლის 30 იანვარს, 85 წლის ასაკში.

დაკრძალულია დიდუბის პანთეონში.