ნოდარ ჩხეიძე (დ. 15 თებერვალი, 1928, სოფ. ობჩა (ბაღდათის რაიონი) — გ. 9 იანვარი, 1968, თბილისი)
ლიტერატურათმცოდნე, კრიტიკოსი.
1945 წელს შევიდა უნივერსიტეტის ფილოსოფიის ფაკულტეტზე, რომლის დასრულების შემდეგ სწავლა განაგრძო ასპირანტურაში კრიტიკისა და ესთეტიკის ისტორიის სპეციალობით. 1955 წლიდან თბილისის სახელმწიფო უნივერსიტეტის ჟურნალისტიკის ფაკულტეტზე კითხულობდა ლექციებს. 1950 წლიდან აქვეყნებდა თეორიული ხასიათის წერილებს ჟურნალ-გაზეთებში.
დაკრძალულია მწერალთა და საზოგადო მოღვაწეთა დიდუბის პანთეონში.
