რამაზ პატარიძე (დ. 6 ნოემბერი, 1927, თბილისი — გ. 1 ნოემბერი, 2020) – ენათმეცნიერი, მკვლევარი. დამწერლობათმცოდნე, ანბანთმცოდნე. 1950 წელს დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი. მუშაობდა საქართველოს ხელნაწერთა ეროვნული ცენტრში. 64 წლის განმავლობაში იკვლევდა ქართული ანბანის საკითხებს. 1980 წელს საბავშვო გამომცელობა „ნაკადულმა“ გამოსცა მისი წიგნი „ქართული ასომთავრული“. გაშიფრა „ვეფხისტყაოსნის“ პროლოგი და აღმოაჩინა, რომ კაცობრიობის ისტორიაში შოთა რუსთაველი არის პირველი ადამიანი, რომელმაც „ვეფხისტყაოსანში“ წარმოგვიდგინა პლანეტების ჰელიოცენტრული სისტემა. მთელი შეგნებული სიცოცხლე ქართული დამწერლობის ისტორიის კვლევას მიუძღვნა და საბოლოოდ დაამტკიცა სომხური წერილობითი წყაროების სიცრუე. დაკრძალულია თბილისში, დიდუბის პანთეონში.
