როდიონ ქორქია (დ. 1 იანვარი, 1894, ჭალადიდი, ხობის მუნიციპალიტეტი — გ. 10 იანვარი, 1984, თბილისი) –
მწერალი.
დაამთავრა ფოთის გიმნაზია 1914 წელს და სწავლა განაგრძო ხარკოვის უნივერსიტეტის ფიზიკა-მათემატიკის ფაკულტეტზე, მაგრამ ვერ დაამთავრა პირველი მსოფლიო ომის გამო და 1920 წელს დაბრუნდა საქართველოში. მუშაობდა თეატრალურ საზოგადოებაში სამეცნიერო შემოქმედებითი განყოფილების გამგედ, პრეზიდიუმის თავმჯდომარის მოადგილედ. 1959 წლიდან იყო ჟურნალ “პიონერის” პასუხისმგებელი მდივანი. მისი პირველი მოთხრობა – “ნიღაბქვეშ” დაიბეჭდა 1924 წელს ჟურნალში “თეატრი და ცხოვრება”.
დაკრძალულია თბილისში, დიდუბის პანთეონში.
