შოთა იამანიძე (დ. 15 მარტი, 1937, თბილისი — გ. 15 ოქტომბერი, 1971) – ფეხბურთელი, თამაშობდა თავდამსხმელის პოზიციაზე. იყო თბილისის „დინამოსა“ და საბჭოთა კავშირის ნაკრების წევრი. საბჭოთა კავშირის სპორტის დამსახურებული ოსტატი (1969). სამჯერ შევიდა სეზონის საუკეთესო ფეხბურთელთა სიაში. იგი იყო თბილისის „დინამოს“ 1960–იანი წლების პირველი ნახევრის ერთ–ერთი საუკეთესო მოთამაშე. გამოირჩეოდა კარგი დრიბლინგით, ტექნიკით, ორგანიზატორული თვისებებით. სსრკ–ს ოლიმპიურ ნაკრებში ჩაატარა 1 მატჩი. დაიღუპა ავტოკატასტროფაში. დაკრძალულია საბურთალოს სასაფლაოზე.
