ვახტანგ ბეწუკელი (დ. 22 სექტემბერი, 1916, სოფელი მაგრანეთი, თიანეთის რაიონი — გ. 20 ივნისი, 1971, თბილისი) – პოეტი, მთარგმნელი. 1940 წელს დაამთავრა თბილისის სახელმწიფო უნივერსიტეტი და შეუდგა პედაგოგიურ მოღვაწეობას ჯერ გურჯაანის, შემდეგ კი თიანეთის რაიონებში, ხოლო 1945 წლიდან გადმოდის თბილისში და ეწევა სამწერლობო საქმიანობას. დაკრძალულია მწერალთა და საზოგადო მოღვაწეთა დიდუბის პანთეონში.
