ვიაჩესლავ მიქელაძე (1879-1951) – რუსეთის არმიის გენერალ-მაიორი, სამხედრო მეცნიერებათა დოქტორი. უდიდესი წვლილი შეიტანა საბჭოთა არტილერიის განვითარებაში. 1912 წელს აირჩიეს არტილერიის მთავარი სამმართველოს საარტილერიო კომიტეტის წევრად. 1918 წლიდან საპასუხისმგებლო პოსტები ეკავა წითელ არმიაში. 1933 წლიდან გარდაცვალებამდე იყო ლენინგრადის სამხედრო-მექანიკური ინსტიტუტის უფროსის მოადგილე და კათედრის უფროსი. მრავალი სამეცნიერო გამოკვლევისა და სახელმძღვანელოს ავტორია. მიღებული აქვს სახელმწიფო ჯილდოები. დაკრძალულია პეტერბურგში. სერაფიმოვის სასაფლაოზე.
